Pomoc za LibreOffice 25.2
Definěrujo nastajenje za wulicenje w tabelowych dokumentach. Definěrujo zaźaržanje tabelowych dokumentow z iteratiwnymi póśěgami, datumowe nastajenja, licbu decimalnych městnow a lěc se ma na mało- a wjelikopisanje źiwaś, gaž se w tabelach pyta.
W toś tom wótrězku móžośo licbu kšacow pśibliženja wobgranicowaś, kótarež se maju w iteratiwnych woblicenjach wuwjasć. Mimo togo móžośo stopjeń dokradnosći wótegrona pódaś.
Pódawa, lěc se formule z iteratiwnymi póśěgami (formule, kótarež se stawnje wóspjetuju, daniž problem njejo rozwězany) pó wěstej licbje wóspjetowanjow woblicuju. Jolic pólo Iteracije njejo markěrowane, buźo iteratiwny póśěg w tabeli powěźeńku zmólki zawinowaś.
Přikład:Wulicenje płaśizny artikla bźez nadgódnotowego danka.
Zapódajśo tekst „Pśedankowa płaśizna“ do cele A5, tekst „Netto“ do cele A6 a tekst „Nadgódnotowy dank“ do cele A7.
Zapódajśo něnto pśedankowu płaśiznu (na pśikład 100) do cele B5. Nettopłaśizna ma w celi B6 byś a nadgódnotowy dank w celi B7.
Wěsćo, až se nadgódnotowy dank z „nettopłaśizna raz 19 %“ wulicujo a až nettopłaśiznu dostawaśo, gaž nadgódnotowy dank wót pśedankoweje płaśizny wótśěgujośo. Zapódajśo formulu =B5-B7 do cele B6, aby nettopłaśiznu wulicył a zapódajśo formulu =B6*0.19 do cele B7, aby nadgódnotowy dank wulicył.
Zmóžniśo iteracije, aby formule korektnje woblicył, howac se powěźeńka zmólki „cirkularny póśěg“ w statusowej rědce zjawijo.
| A | B | |
|---|---|---|
| 5 | Pśedankowa płaśizna | 100 | 
| 6 | netto | =B5-B7 | 
| 7 | Nadgódnotowy dawk | =B6*0,19 | 
Nastaja maksimalnu licbu iteraciskich kšacow.
Pódawa diferencu wuslědkow dweju jaden pó drugem slědujucych iteraciskich kšacow. Jolic wuslědk iteracije jo nišy ako gódnota minimalneje změny, se iteracija skóńcyjo.
Wubjeŕśo zachopny datum za nutśikowne pśetwórjenje wót dnjow do licbow.
Nastaja 1899-12-30 ako źeń nul.
Nastaja 1900-01-01 ako źeń nul. Wužywajśo toś to nastajenje za tabelowe dokumenty StarCalc 1.0, kótarež datumowe zapiski wopśimuju.
Nastaja 1904-01-01 ako źeń nul. Wužywajśo toś to nastajenje za tabelowe dokumenty, kótarež su se importěrowali w cuzem formaśe.
Pódawa, lěc se ma mjazy wjeliko- a małopisanim w tekstach rozeznaś, gaž se wopśimjeśe celow pśirownujo.
Pśikład: Zapódajśo tekst „Test“ do cele A1 a tekst „test“ do cele B1. Zapódajśo pón formulu „=A1=B1“ do cele C1. Jolic kašćik Na wjelikopisanje źiwaś jo markěrowany, se WĚRNO w celi zjawijo; howac se NJEWĚRNO w celi zjawijo.
Tekstowa funkcija IDENTISKI pśecej mjazy wjeliko- a małopisanim rozeznawa, njeźiwajucy na nastajenja w toś tom dialogu.
Znjemóžniśo Na wjelikopisanje źiwaś za tabelowe dokumenty, kótarež muse z Microsoft Excel kompatibelne byś.
Pódawa, lěc maju se z pomocu narownanych gódnotow, kótarež se w tabeli pokazuju, woblicenja pśewjasć. Diagramy se z pokazanymi gódnotami pokazuju. Jolic nastajenje Dokradnosć kaž pokazana njejo markěrowane, se pokazane licby narownuju, ale se z pomocu njenarownaneje licby internje woblicuju.
Pódawa, až pytańske kriterije, kótarež sćo nastajił za funkcije datoweje banki Calc, muse eksaktnje cełej celi wótpowědowaś. Gaž kašćik Pytańske kriterije = a <> muse se na cełe cele nałožyś ako teke kašćik Zastupujuce symbole w formulach zmóžniś su markěrowane, se LibreOffice Calc eksaktnje ako Microsoft Excel zaźaržujo, gaž se cele w funkcijach datoweje banki pśepytuju.
| * na slědujucej poziciji: | Pytański wuslědk: | 
|---|---|
| win | Namakajo win, ale nic win95, os2win abo zawinowaś | 
| win* | Namakajo win a win95, ale nic os2win abo zawinowaŕ | 
| *win | Namakajo win a os2win, ale nic win95 abo zawinowaŕ | 
| *win* | Namakajo win, win95, os2win a zawinowaŕ | 
Jolic nastajenje Pytańske kriterije = a <> muse se na cełe cele nałožyś njejo zmóžnjone, pytański muster „win“ ako „*win*“ statkujo. Pytański muster móžo na kuždej poziciji w celi byś, gaž se z funkcijami datoweje banki Calc pyta.
Zmóžniśo toś to nastajenje za tabelowe dokumenty, kótarež muse z Microsoft Excel kompatibelne byś.
Pódawa, až zastupujuce symbole su pśi pytanju a teke za pśirownanja znamjenjowych rjeśazkow zmóžnjone.
? (pšašak) za jadnotliwym znamuškom pyta
* (gwězdka) za někakim znamjenjowym rjeśazkom pyta, inkluziwnje za proznym znamjenjowym rjeśazkom
~ (tilda) wótpórajo wósebny wóznam pšašaka, gwězdki abo tildy, kótarež direktnje tilźe slěduju
Zmóžniśo zastupujuce symbole w formulach za tabelowe dokumenty, kótarež muse z Microsoft Excel kompatibelne byś.
Pódawa, až regularne wuraze město jadnorych zastupujucych symbolow su pśi pytanju a teke za pśirownanja znamjenjowych rjeśazkow zmóžnjone.
Njezmóžniśo regularne wuraze w formulach za tabelowe dokumenty, kótarež muse z Microsoft Excel kompatibelne byś.
Pódawa, až se jano pismiki pśi pytanju a teke za pśirownanja znamjenjowych rjeśazkow wužywaju.
Njeznjemóžniśo zastupujuce symbole w formulach za tabelowe dokumenty, kótarež muse z Microsoft Excel kompatibelne byś.
Pódawa, až móžośo tekst w někakej celi ako pópisanje za słup pód tekstom abo smužku napšawo wót teksta wužywaś. Tekst musy nanejmjenjej z jadnogo słowa wobstojaś a njesmějo operatory wopśimowaś.
Pśikład: Cela E5 tekst „Europa“ wopśimujo. Dołojce, w celi E6, jo gódnota 100 a w celi E7 gódnota 200. Jolic kašćik Pópisanja słupow a smužkow awtomatiski namakaś jo markěrowany, móžośo slědujucu formulu w celi A1 zapódaś: =SUMA(Europa).
Za dalšne informacije glejśo Mjenja ako adresěrowanje spóznaś
Móžośo maksimalnu licbu decimalnych městnow pódaś, kótarež se pó standarźe za cele ze standardnym licbnym formatom pokazuju. Jolic toś to nastajenje njejo zmóžnjone, se za cele ze standardnym licbnym formatom tak wjele decimalnych městnow pokazuju, ako šyrokosć słupa dowólujo.
Definěrujo licbu decimalnych městnow, kótarež se maju za licby z licbowym formatom standard pokazaś. Licby se ako wótrownane licby pokazuju, se pak ako wótrownane licby njeskładuju.